World

ചികിത്സയ്‌ക്കെത്തിയ നവജാത ശിശുവിന്റെ തലയും മുഖവും ഞെരിച്ചമർത്തി ആസ്വദിച്ച് നഴ്‌സുമാർ; വീഡിയോ വൈറലായതോടെ നഴ്‌സുമാരുടെ പണിയും തെറിച്ചു

1

നവജാത ശിശുവിന്റെ തലയും മുഖവും പിടിച്ച് ഞെരിച്ചമർത്തി ആസ്വദിച്ച് നഴ്‌സുമാർ വീഡിയോ പകർത്തി. മൂത്രനാളിയിലെ അണുബാധയെത്തുടർന്ന് ചികിത്സക്ക് പ്രവേശിപ്പിച്ച നവജാത ശിശുവിനെയാണ് നഴ്‌സുമാർ ഉപദ്രവിച്ചത്. സൗദി അറേബ്യയിലെ തൈഫിലെ ആശുപത്രിയിലാണ് സംഭവം.പത്ത് ദിവസത്തോളമാണ് കുഞ്ഞ് ചികിത്സക്കായി ആശുപത്രിയിലുണ്ടായിരുന്നത്.

സോഷ്യൽ മീഡിയയിൽ ഈ വീഡിയോ പ്രത്യക്ഷപ്പെട്ടതോടെ നിരവധി പേരാണ് രോഷപ്രകടനവുമായി രംഗത്തെത്തിയത്. തുടർന്ന് നടന്ന അന്വേഷണത്തിൽ നഴ്‌സുമാരെ പുറത്താക്കുകയും ചെയ്തു. സോഷ്യൽ മീഡിയയിൽ വീഡിയോ വ്യാപകമായി ഷെയർ ചെയ്തതോടെയാണ് കുട്ടിയുടെ മാതാപിതാക്കൾ പോലും തങ്ങളുടെ കുഞ്ഞിന് ലഭിച്ച ചികിത്സയെക്കുറിച്ച് അറിഞ്ഞത്. കുഞ്ഞിന്റെ കഴുത്തിലും തലയിലും പിടിച്ച് മുഖം അമർത്തുന്ന വീഡിയോയാണ് ഇവർ പകർത്തിയത്. കുഞ്ഞിനെ ഉപദ്രവിച്ചുകൊണ്ട് ഇവർ ചിരിക്കുന്ന ശബ്ദവും വീഡിയോയിൽ കേൾക്കാം.

ഇവരുടെ മെഡിക്കൽ ലൈസൻസ് റദ്ദാക്കുകയും ആരോഗ്യ മേഖലയിലെ മറ്റ് വിഭാഗങ്ങളിലും പ്രാക്ടീസ് ചെയ്യാനാകാത്ത വിധത്തിൽ ഇവർക്ക് വിലക്കേർപ്പെടുത്തുകയും ചെയ്തിട്ടുണ്ട്.

Click to comment

Leave a Reply

Your email address will not be published. Required fields are marked *

Most Popular

To Top